التغريبة الفلسطينية

2008-12-31T13:06:00.002+04:00

"اللهم يا رحمن الدنيا والآخرة نسألك ان تنصر أهلنا في غزة

اللهم انصر عبادك المستضعفين في قطاع غزة وثبت أقدامهم وقوي عزائمهم..

واشف مرضاهم وصبر أهلهم وتقبل شهداءهم

اللهم كن لهم بعد الحبيب حبيبا ولدعائهم سامعا ومجيبا

رب امددهم بمدد من عندك وجند من جندك وأبدل خوفهم أمنا ,وذلهم عزا, وفقرهم غنى

اللهم ألهمهم صبرا جميلا وارزقهم نصرا مؤزرا

اللهم زلزل الأرض من تحت اقدام اليهود وشتت بهم وبأعوانهم وافعل بهم كما فعلت بعاد وثمود..

اللهم نستغيث بك فاغثنا وأرنا فيهم قوتك وجبروتك

اللهم إنك آتيت بني إسرائيل أموالا وزينة في الحياة الدنيا

اللهم اطمس على أموالهم واشدد على قلوبهم واجعل تدبيرهم تدميرهم

اللهم انزل بساحتهم زواجر العذاب واجعل يومهم كيوم الأحزاب

اللهم آمين"

2008-12-22T22:29:00.006+04:00

مجموعة الكاتب العربي ستتخطي بكم الحدود
ساهم بنشر إبداعات المفكرين والأدباء والمثقفين والمثقفات ..

كن مع العلم ولا تكن مع البندقية .

هل تعرف أفضل طريقة لكتابة روائعك

وإيصالها إلى من يتذوقها ويتبادل معك الرأي

حول جمالها ودلالها؟

هل تعرف أفضل طريقة لمد جذور التواصل

بينك وبين أمثالك من الأدباء عبر الأسلاك الإنترنتية؟

هل تعرف كم تنفق من الوقت والمال في المطبوعات الفكرية والأدبية

في مقابل المجموعات البريدية؟

هل تعرف ما هي حسنات إبحار الإنترنت

واضعا يدك في أيدي من تتبادل معهم الفكر

ويشاركونك أجمل هواياتك؟

مجموعة الكاتب العربي،

خدمة مجانية سهلة الاستخدام للتبادل البريدي

لإبداعات المشتركين من فنون الأدب العربي.

إذا اشتركت في المجموعة،سوف تصلك تلقائيا مساهمات الأعضاء

على البريد الإليكتروني الذي اشتركت من خلاله،

ولكي تبدأ بالرد على الأعضاء أو بإرسال مساهماتك.

مرحبا باستفساراتك واقتراحاتك على عنوان منسق المجموعة pal_one_1@hotmail.com

نرجو منك الضغط على الصورة لكي تدعم مجموعة الكاتب العربي،

وحتي نتمكن من انشاء موقع خاص بالمجموعة ،

لنشر افكاركم الادبية والعلمية ،

لتعلم انك بمجر الضغط على الصورة ستحصل المجموعة على دولار واحد / فلا تبخل علينا

ولكن يجب عليكم بعد الضغط على الصورة بمعني اخر الدعاية .. ستفتح لكم صفحة خضراء وبعد ذلك الضغط على كلمة
create a free account
والتسجيل

لخيارات أكثر، الرجاء زيارة المجموعة على http://groups.google.com/group/Arab_writer

حوار بين صورتين

2008-11-19T16:16:00.006+04:00

غزة : ششششششش هدوء.. بلكي سمعنا صوت للعرب..

الصمت : لا لا أي صوت هاد؟..هيهم عندي..كلهم عندي!

..ويستمر الظلام في غزة..

أحلى ديراستيا

2008-11-15T12:35:00.001+04:00

Nostalgia

2008-09-20T20:40:00.005+04:00

I would like to dedicate this song to all the refugees out there whom i suppose share the same wounds and sense of belonging to their long lost land.

كل ليلة..

2008-08-27T13:17:00.005+04:00

إحساس غريب ذالك الذي يتملكني كلما وضعت رأسي على وسادتي آخر الليل..
أفكر.. أسرح.. أتأمل.. أتمنى.. أحلم.. أهذي.. أهلوس.. أتمتم.. أضيع.. أطير..
ثم أحط لأجد نفسي في غرفتي الوردية على وسادتي القطنية
وقد تعبت عيناي من النظر طويلا إلى تلك البقعة في سقف الغرفة
فأفيق ثم أعود فأفكر و أسرح في خيالي إلى ما لا نهاية..
أتتسألون بما أتأمل؟
وبمن أحلم؟
وإلى أين أطير؟
...صدقوني لو عرفت لأخبرتكم..

خربشات من دفتري القديم بعنوان "نامي يا عيوني"

2008-07-05T00:39:00.007+04:00

نامي يا عيوني نامي وسيبك من مآسي الأمة وتعرضها للتحقير والاستهزاء والاتهام
نامي وسيبك من اوجاع الناس وهمومها
نامي وانسي اللي مش لاقي لقمة ياكلها تسد جوعه.. أو شربة تروي عطشه
ما يهمك إنه غيرك نايم بالشوارع رغم قساوتها وبرودتها
نامي وسيبك من الطفل اليتيم اللي أخدوا الجيران عندهم ونيموا عالفرشة جنب رامي وعبد ومحمد وفراس وريم وفاطمة
هاي فاطمة بعدها بتبكي من وجع إيدها اللي انكسرت مبارح وهية بتلعب جنب الدالية
وما داووها لأنه الدكاترة مضربين والصيدلية ما عندها شاش والمستشفى مسكرة
نامي وانسي مرام اللي حلمها تفوت مدرسة متل باقي هالبنات بس ما معها حق دفتر أو مريول
نامي وانسي سليم اللي انأسر من عشرين سنة أو مصطفى اللي استشهد اليوم عشان لفظ كلمة "لأ" ورفض الركوع
نامي عشان ما تسمعي صرخات استنجاد الصبايا بالسجون أو أنين المرضى بالمشافي أو بكاء أم على فقيد

نامي عشان تصحي تصلي الفجر وتدعي ربك يوفقك ويسعدك ويهنيك ويغنيك

نامي بكرة وراكي موعد مهم عالفطور بعدين بدك تشوفي رفقاتك عالغداء

نامي لأن السهرة بكرة مطولة بالحفلة..مش ابن جيرانا نجح بالابتدائي!

عاملين حفلة والكل جاي يهني ويغني ويشاركهم الفرحة

نامي خليكي تكوني مرتاحة ومنورة بكرة

نامي يا عيوني نامي..

إطفي هالتلفزيون ونامي شو بدك بالأخبار كلها نفس اللي قبلها..

حلقاتها معادة وهالحلقة بالذات شفناها مبارح وقبل مبارح واللي قبله واللي قبله..

مش هدول نفسهم اللي تحت الحصار؟ بعده الحال متل ما هوة..والحرب الأهلية ماشية..

مش هدول همة اللي ما عندهم مي وكهرباء وبنزين وكاز ومواد غثائية وحكومة وأمن واستقرار..وحياة؟؟

مش هاد نفسه اللي منشوفه بحكي عن حل وحوار ومبادرة وسلام..

بعدين بوقع وبسلم وببوس وببتسم وبتصور وبرجع تاني يوم يعيدها؟

خلص لكان لشو أحضر وأسهر وأزعل وأنقهر وأبكي وأشكي..ما أنام أريحلي..

سيبك من هالحكي..

و نامي يا عيوني نامي

2008-07-02T22:37:00.006+04:00

رسالة من اسير فلسطيني الى طلاب ستار اكاديمي

"انا طالب اكاديمة مثلكم , لست من الغرب انما من فلسطين.
فنحن ننهض من النوم في ساعة محددة , نمارس الرياضة في ساحة مغلقة .
نأكل ونتعلم بشكل جماعي وحسب قوانين صارمة فرضت مسبقا(مثلكم)
وهنالك كاميرات مزروعــة في كل زاوية لمراقبة حركتنا على مدار اللحظة.
ندخن وناكل اقل منكم.
انتم حكمتم على انفسكم بالبقاء اربعة اشهر على الاكثر ,
بينما نحن محكومين في هذه الاكاديميات لسنين طويلة .
انتم مركزون في اكاديمية واحدة بينما نحن موزعون على عدة اكاديميات :
شطة والجلمة بالشمال الرملة وهداريم والتلموند في الوسط ,
عسقلان والسبع ونفحة في الجنوب وعوفر
. وبالقدر الذي تكرهون ان يكون احدكم نومينيه فاننا نتمنى ذلك.!
وبدلا من الفوكاليز تعودت حناجرنا على النشيد والتكبير الذي يعقبه رش الغاز
ليستقر في حناجرنا وصدورنا. الحدث الابرز عندك البرايم ام عندنا فكل الايام متشابهة .
يقوم الفنانون بزيارتكم بينما يزورنا المحامون والصليب الاحمر .
قد تمنعون من الاتصال بالاهل كاجراء عقابي , اما نحن فممنوعون دون عقاب.!
تقومون بتخفيف الوزن بواسطة الريجيم ونحن نقوم بذلك عن طريق الاضراب المفتوح عن الطعام.
عندما نخرج من الاكاديميات , نخرج الى المحاكم العسكرية ليعود الواحد منا
محملا بعشرات السنين التي ستغير حتما ( اللوك) او الى المستشفيات لنعود محملين بالالم.
نزعجكم الوحدة والملل وتناقص عددكم بينما يقتلنا الاكتظاظ وتزايد اعدادنا التي اصبحت بالالاف.
' انتو لمين بتغنو , واحنا لمين بنضحي'
انتو بتغنو النا ونحن منضحي الكو
تصلكم رسائل Sms وتصلنا نداءات Sos
انتم توقعون اسماءكم للمعجبين والمعجبات بيمنا نحن نوقع اسماءنا على ورقة الامانات
وعلى الجدران , ليتعرف علينا القادمون من بعدنا .
فمن هنا ندعوكم يا اخوتي واخواتي الطلاب ان توصلوا هذه الرسالة
الى كل من فتنه ستار اكاديمي الغرب ولتعرفوه على معاناة اسرانا البواسل
, كي يتعلم مواقف العزة والصمود من نجوم اكاديميات فلسطين الاحرار نسور الحرية"

2008-06-03T00:38:00.003+04:00

"في النكبة ِ السِّـتيـن أبصِــر ُ د ولــة ً وبِــرغم ِ أنف ِ المُعْـتدي ســتـقوم ُفي ذات ِ يوم ٍ تـنـتهي الأ كذوبـــــة ُ الكُبرى ويرحـل ُ مِـسْخـُها المزعوم ُويعــود ُ كـل ُّ اللاجئيـن َ لأرضِــهـم ْ وَسَــتَـزْدَهي با لإنتصا ر ِ تــُخــو م ُ"

للشاعر والاكاديمي الفلسطيني الكبير د. أحمد حسن المقدسي

هاد الكلام المزبوط!!

أنا بطبعي متفائلة جدا في كل الحلات والمواقف بس إجت مرة كنت فيها متشائمة لأني بصراحة زهقت من الأوضاع الجارية في فلسطين و من كتر الحكي وقلة الفعل..مانتوا عارفين شو بدي أحكي لأحكي..

هاد كان تعليق إلي على إحدى المقالات بعنوان "الخطة السرية والأخيرة لاجتياح غزة"

انا برأيي بتعرف شو رح يصير؟

قيادي فتح وحماس رح يجتمعوا ويتفقوا على حكومة وحدة وطنية و رح يتعين رئيس واحد لكل ما تبقى من فلسطين. وبعدين العرب كلهم رح يتفقوا يبعتوا جيوشهم و دباباتهم و طياراتهم و رح يتمركزوا بغزة وينسفوا أي اسرائيلي بفكر مجرد تفكير انه يقرب عليها. و شوي شوي بصيروا يسترجعوا الأراضي الفلسطينية. و رح يعيشوا الاسرائيلية بقية حياتهم مذلولين تحت إمرة العرب.ورح يرتفع "العلم العربي" في كل أنحاء فلسطين والبلدان العربية الشقيقة.

قولوا ان شاء الله

يعني بالأحرى: They lived happily ever after

وهاد تعليق إلي بخصوص الأوضاع اللي من سيئ لأسوء وموقف الشعوب العربية المخزي.

..هالحكي انحكى كتيير بس رد الفعل قليل..اكيد مبتغاك من هالمقال مو انك تصحي الأمة العربية..

انت بس بدك تفش قلبك واتطلع اللي جواك..اكيد

لأنه افاقة الأمة باينتو شي مستحيل..لو بدهم يتحركو كان اتحركو من زمان

طول عمري كنت فخورة بعروبتي بس هلأ وجهي أسود منها..

أنا من اليوم بعلن كفري بعروبتي..انا مش عربية ولا أمريكية ولا اسرائيلية..بتعرف انا شو؟؟

انا بلا جنسية

تحياتي الى شعب فلسطين الصامد والله انتو الفخر كله

هالسلبية ما كانت طالعة من قلبي..كانت مجرد لحظة غضب..فيكم تقولوا لحظة غضب دائمة!

للعلم بنفس اليوم توفى جدي الله يرحمه ويحسن إليه.

بعدين لو الكل بده يضعف وينسحب..والله استفدنا!..عمرنا لا منحرر أرضنا ولا أسرانا ولا منرجع اللاجئين وبنفس الوقت بكونوا أعدائنا حققوا أهدافهم وحطموا معنوياتنا. بس لو كنا متفائلين ومعنوياتنا عالية وعنا أمل كبير منقدر مع شوية دعم من بعض نوصل للي بدنا ياه..بس طبعا لو حطينا إيدينا بإدين بعض.

.. بدي أنهي بكلمة وحدة..

"تفاءلوا بالخير تجدوه"

2008-05-26T22:56:00.011+04:00

نظرا لطلبات الجماهير الغفيرة عشان أعرض شي من كتاباتي رح أجبر بخاطركم بس للعلم أنا كاتبته من حوالي سنتين تلاتة..ما في شي جديد وحصري للأسف..إنجوي

تمضي كل ليلة كأنها دهر

وأنا جالسة وحدي أفكر بها..

أتوق لرؤيتها..أحلم بتقبيل ترابها.

أعيش في عالم قاس.

خال من الحب, من العطاء,

من الحنان,من الأخوة, من النقاء..

عالم يملأه الكره والحقد والبؤس.

عالم أصبح فيه السلام والأمان فعلا ماضيا..

سحرا مستحيلا..خيالا وهميا.

كره بني آدم أخاه.. ملأ الحقد خلايا دمه..

أصبح القتال هوايته.. والتفجير ملاذه..

فقد الأطفال براءتهم

والشيوخ حياتهم والنساء مكانتهم

والشباب أحلامهم.

أصبح الهدف واحد..المبتغى واحد..الحلم واحد..

النظرة واحدة..ألا وهي "الحرية"..

أذلونا فسكتنا..أهانونا فمضينا..استعمرونا فرحبنا..

هجرونا فقبلنا..قتلونا فبكينا..

لكن لكل شيئ نهاية..الصبر بدأ ينفد..والغضب كاد ينفجر..

وذلك اليوم يقترب..مع كل يوم يمضي..يقترب..

مع كل طلقة تخرج..يقترب مع كل دمعة تذرف..يقترب..

مع كل روح تخرج..إنه آت..

يوم يتحد العرب ويقفون يدا بيد.

يوم يتحول صمت القبور إلى صيحات الحرية وصرخات النصر..

إنا لآتون..لا يخدعنك هدوءنا فتحت برد التراب "نار".

إنا آتون..فمن يرضى الذل والاضطهاد لا مكان له بين أمة العروبة..

If Only We Were Buffalos

2008-05-23T14:44:00.008+04:00

Wouldn't it be great if we all unite and stand up for our rights in the face of our enemies?..What a lovely, peaceful World it would be if only we were like those buffalos who together have no fear of their killers

شوفوا الحيوانات كيف ثارت في وجه العدو لما اعتدى على واحد منهم. اجتمعوا كلهم ووحدوا قوتهم ضد العدو القاتل فانتصروا عليه. تخيلوا وضع الشعوب العربية كيف بتكون لو بتوحد جهودها وبتوقف يد بيد ضد الظلم واغتصاب الأراضي ومحاولات أعداء الدين والعروبة بالسيطرة عليها وعلى ممتلكاتها وثرواتها وأرواح شعوبها...برأي وقتها بنعاد التاريخ و بصيروا العرب قوة عظمى

بس للأسف العرب مش ثيران..

وهاي هية بلدتنا باختصار..

2008-05-20T16:10:00.005+04:00

تقع في الجهة الجنوبية الغربية من مدينة نابلس وعلى بعد 25كم منها وهي من مجموعة الجماعينيات التابعة لقضاء نابلس.ترتفع 430 مترا عن سطح البحر كانت مساحتها 65كم اما هذه الأيام فقد قاربت ال250 دونما لها أراضي مساحتها 164,34 دونما تحيط بها أراضي كل من زيتا, كفل حارس, حارس, قراوي بني حسان, اماتين, صافوت, كفر لاقف, عزون, كفر ثلث, بديا. يزرع فيها الحبوب وبعض الخضروات وفيها الكثير من اشجار الزيتون بلغت6975 دونما وفيها ايضا اشجار التين واللوز والعنب والمشمش وغيرها. هذا وتكثر فيها الماشية التي ترعى في أحراش وادي قانا القريب ويستفيدون من ألبانها في صنع الجبن والسمن.

كان بها مدرسة في زمن العثمانيين تأسست سنة 1886م وبعد النكبة اسست بها مدرسة اعدادية كاملة للبنين واعدادية للبنات تطورت وكبرت واصبحت ثانوية هذه الأيام.

أصل الإسم:

هو من لفظتين دير واستيا. أما دير فآرامية أو سريانية حديثة تعني "دارة" أي موطناً للسكن. وهي "دار" العربية مع الإمالة. ولا علاقة للفظة بالمضمون المسيحي الحديث للدير كمركز يعيش فيه الرهبان, وإن كانت اللفطتين من جذر واحد. وتبقى "استيا" أو "اسطيا" بالطاء على الأصح. واضافة لقب "النبي" أيضاً. وكان اسطيا هذا قائد مملوكي استشهد في القتال, فأقيم له ضريح. أما كلمة اسطيا فهي تركمانية تعني شيخ صنعة أو معلم كار أو قائد حظيرة "شاووش". وأما لقب النبي فإضافة ولَدها جهل العامة!

كان عدد سكانها سنة 1922م <<674>> نسمة وسنة 1931م <<886>> نسمة وسنة 1945 <<1190>> نسمة واما هذه الأيام فقد وصل <<5000>> نسمة اشتهر من سكانها القدماء <<محمد بن عمر سطائي الصحراوي>> الفقيه العابد ومن عائلاتها الكبيرة <<عائلة أبوحجلة>> المشهورة وهي منتشرة ايضا في سنيرية وديا, وأصلهم من عرب الصبحين الذين نزلوا في كفر الديك بادىء الأمر ثم جاؤوا إلى دير استيا وهناك <<عائلة زيدان>> وأصلهم من الخليل وهم أبناء عم عائلة الجعبري <<وعائلة القاضي>> واصلهم من مردا. وهناك عائلات أخرى قديمة ومن أوائل من سكن دير استيا.

2008-05-15T13:39:00.002+04:00

I only want to take a minute to unleash my suppressed anger over what Israel is up to these days. And what fuels my anger is the fact that a number of highly ranked leaders are taking part in the celebrations and congratulating the Israeli government on this occasion-the 60th anniversary of their so-called “independence“, and the Palestinian’s 60th anniversary of continuous massacres, tyranny, and destruction on their beloved land.

They’re celebrating their independence on OUR land! How could it be?..how do they call usurping one’s land, one’s life, one’s belongings independence!!..How can they be celebrating it?..and Bush- who by the way viciously killed a million and a half in Iraq and Afghanistan and around 4000 of his own people is there for commemoration. I can not but picture them as a bunch of filthy wild boars enjoying and celebrating a feast of raw bloody meat!

2008-05-15T01:34:00.003+04:00

مرحبا حميعا,

بدي اعتذر من جميغ الزوار لأني ما عم بضيف أو بجدد بالمدونة..و هاد لأني مشغولة بالدراسة للإمتحانات ..إدعولي!

وحابه أنتهز الفرصة لأقدم التعازي لأهالي جميع شهداء فلسطين من ستين سنة لليوم..و أهني اسرائيل بهالمناسبة العظيمة!

غريبة ما؟

لا مو غريبة...ما غيري عملها!!..

حسبي الله ونعم الوكيل..صدق مين قال: "اللي اختشوا ماتوا!!"

يا رب ارحم جميع أموات المسلمين و أدخلهم فسيح جناتك

2008-04-25T00:13:00.004+04:00

توفى اليوم جدي رحمة الله عليه..
أرجو ان تدعو له بالرحمة والمغفرة من رب العالمين. ويجعل مثواه الجنة..
انا لله وانا اليه راجعون

أحكيلكم ليش؟

2008-04-21T19:24:00.006+04:00

**********فلســــــــــــــــــــــــــــــــــــــــطين**********

الاسم : فلسطين بنت كنعان

عدد الأبناء : ثلاثة

الحالة الشخصية : أرملة

أسماء الأبناء نكبة : وهي من مواليد 1948 نكسه: مواليد 1967 انتفاضه: مواليد 1987

نبذه عن حياتي أنا ارض الديانات المسيحية، الإسلام،اليهودية

مسلوبة يتيمة منذ الصغر

تبرئ عني أبي واسمه ( عربي؟)وأمي اسمها (شام)

في نفس الوقت ماتت جدتي كرامة

لاحول لها ولا قوه

إخوتي 23 لا احد منهم يعرفني

أكبرهم طعن بخنجر مسموم سنة2003 واسمه عراق الله معه.

طموحي بسيط أن أتحرر من إسرائيل

أوصافي أنا في منتهى الجمال

أحب الحياة كباقي البلاد لكن بعزه أهوى البحر الذي يلامس قدماي

واعشق موسيقى الثوار في أحضاني

لون شعري اسود ازرق ولون ارضي اخضر و دمي احمر

أما قلبي فابيض عيوني كلون بحري ازرق

لي عشاق كثر أكثر من كل البلاد

مهري الشهادة ويوم عرسي تحريري

العلاقات الاسريه كما تعلمون

لي 23 أخ لا احد منهم يزورني كلهم خائفون من زوج أمهم ( أمريكا)

فبعد موت أخي العراق بت وحيده ليس لي إلا الله وأحفادي الذين يقاتلون .....

أخواي مصر وأردن يريدان تزويجي من إسرائيل ابن أمريكا

وأنا ارفض هذا الزواج

وضعي المادي تعيس مع أن إخوتي سعوديه وكويت وإمارات من أغنى البلاد ولكن

ورغم كل شيءسأبقى

فلســـــــــــــــــــــــــــــــــــــــــــــــــــطين

ولو تخلت عني الأرض بأسرها لأني احمل في أحشائي ليس طفلا بل رجلا اسمه جهاد من زوجي الشهيد نضال"

عرفتو هلأ ليش بحبها؟

حلوة يا بلدي..

2008-04-12T01:32:00.001+04:00